گوزل شعر یازیلاری
دویدون نیه تئز عاجز اولان همسفروندن
مندن اورگون اینجیدی سالدون نظروندن
یول یولداشی آهسته گئدر یولداشا خاطیر
یوخلا منی بو قانلی اولان گوز یاشا خاطیر
***
قلبیم ده سنین منده سنین جان دا سنین دیر
ییخسان داغیدیب محو ائدیب آتسان دا سنین دیر
گوندوزلری هیجرانینا یوخ تابی-توانیم
هیجران گئجه سینده نه جفا چکمه دی جانیم!
سن گول منه گول! گول بوحیاتین اوءزو گولسون
بال شهدی-لبیندن سوزولوب شعره توءکولسون
آچ زولفونو قوی دان یئری چوءهره نده سوءکولسون
قوربان دیله سین جان دیله سین جان دا سنین دیر
***
داش نه بیلیرمن بلالی باشیم وار
بو قبر اوسته آخان بیر گوز یاشیم وار
ارزی-گورزی تاریخجه سیندن قالان
بورداانجاق بیر یازیلی داشیم وار
فاتحه نی اونوتمایون که بوردا
منیم ده بیر یارالی قارداشیم وار
***
من کاسب بیر اوغلانام هچ کیم سایا سالمیر منی!
کور فلک اوز چوندریب آغوشینه آلمیر منی!
دونیادا بیر یار سورکن دوشدوم عشقین ذوقینه!
من فقیر او بیر غنی باخ من فقیرین شوقینه!!!!!!
***
کیمسه بیلمز اورگیم سررینی دونیادا منیم
یاز قلم دورما کی سنسن منه محرم گئجه لر
یارالی کونلومه کوندور وورولان یاره لره
مهربان یار الی ایستر قویا مرهم گئجه لر
نه وئرر گوندوزو مهلت منه هیجران ستمی
نه قویار باش یئره بیر لحظه قویام غم گئجه لر
***
Tanrım məni şux yaradıb sevinməyə baxt verməyib.
Tanrım məni saz yaradıb çalmağa aşıq verməyib,
Tanrım məni söz yaradıb qoşmağa mahnı verməyib.
Tanrım məni zər yaradıb duymağa zərgər verməyib,
Tanrım məni nər yaradıb amma nər həyat verməyib.
Tanrım məndə qəlb yaradıb doldurmağa eşq verməyib,...
Görən məni niyə yaradib yamanca peşman eləyib
تانریم منی شوخ یارادیب سئوینمیه بخت ورمییب
تانریم منی ساز یارادیب چالماقا عاشیق ورمییب
تانریم منی سوز یارادیب قوشماقا ماهنی ورمییب
تانریم منی زر یارادیب دویماقا زرگر ورمییب
تانریم منی نار یارادیب اما نار حیات ورمییب
تانریم منده قلب یارادیب دولدورماقا عشق ورمییب
گورون منی نیه یارادیب یامانجا پشمان الییب
***
نامرد فلک بیر گولی کی چوخ گوزل اولسا
گلزاری خزان ایلیه جخ تا بیر گول آپارسین
چرخ فلکین قاباقین هچ کیم آلا بیلمز
بو عادت اولوبدور طبیعته تا
غنچه وریب بیر گول آپارسین
***
قزلدان اولسا قفسیم
آزادلوقا وار هوسیم
خاطرین ایسترم عزیز
هرنَقَدَر وار نفسیم
***
بیچاره گوزوم هر گئجه سنسیز باخار آغلار..
قان یاشلی،اولدوزلاری بیر بیر سایارآغلار..
شیمشک باخیشیم، قانلی بَبـَک‌دن چاغار آغلار
سن آیریلیغی خوشلادین امٌا،گئجه - گوندوز..
دفترده،قلم شرح فراقین یازار آغلار...
یانقین قلمیم، بیر سینه دفتر، یاخار آغلار
استاد گلدسته(قوجا)
***
ای فلک یاخشی منی درده گرفتار الدین وسط دایره ده نقطه پرگار الدین
گوروم ای چرخ وفلک نظم نظامین پوزلا
نیه پس ته جه منی درده گرفتار الدین
***
بیرقوجاق گول باغلادیم گؤز یولدا قالدیم گلمدین
عطریوی گاه دردیییم گوللردن آلدیم گلمدین
سن یوباندین انتظاردان سولدو بیر بیر گوللریم
تئز سولان گوللر کیمى سولدوم، سارالدیم گلمدین
باغریما باسدیم سازئ سنسیز دونن آخشام چاغئ
آغلاییب بیرآیریلیق آهنگ چالدیم گلمدین.
***
آرتیغین اوخوماخ
