اعتراف نامه مانوی به زبان ترکی باستان کیتابی اَشاغا لینکدن گوتوره بیلرسیز

یوکلمه

قادرالله بودور سندن دیله ییم.
نانجیب آدامی  سلطان ائیلمه.
ائلین  ناموسونا  أیری  باخانی
درده سالسان داهی درمان ائیلمه

هر آتین چاپانا  سن وئرمه  میدان.
قویما کی  ناکس لر  اولا  پهلوان
قورتلار غافیل اولسا تولکو اولار خان
 قورخاقی  رستم  دستان  ائیلمه

سن داغیت ناکسین بندین بره سین.
زهره  دؤندر اونون بالین کره سین
بیر اولاد کی هر گون دؤیه دده سین.
اوزونو  گولدورمه  خندان  ائیلمه

گؤزللر  ایتیرمز  دوزو  چوره یی.
درگاهیندا  زایا  گئتمز  امه یی .
 آل آچیب ایسته دیم بیرتک دیله یی
سن کاتب اوغلونو پئشمان  ائیلمه .
                        ( کاتب اوغلو)

وارلیغیم داغلاردا چنه بنزه‌ییر
گؤزللر تئلینده دنه بنزه‌ییر
غربت پنجه‌سینده بوغولان آخشام
حسرته، نیسگیله، منه بنزه‌ییر

سحر خانیم

گئجه دیر....
باخیرام آی باجاسیندان
باشقا بیر ماوی گؤیه
اوردا دا وار ائله بیل:
گئجه یوردون قانا دؤنموش دنیزیندن
نئچه بیر غملی بولود
چنلی داغ
قانلی سؤیود
گئجه دیر...
باخیرام آی باجاسیندان
باشقا بیر ماوی گؤیه

سحر خانیم

سحر خانیم دان گوده بیر  بیوگرافی
سحر خانیم، ۱۳۳۱-جی ایلده اردبیل شهرینده دونیایا گؤز آچمیش و همین شهرده بویا-باشا یئتیشمیشدیر. سحر خانیم آذربایجان ادبییاتیندا اؤزونه عایید یئر آچان شاعیرلر سیراسیندادیر و ایلکین شئعر توپلولاریندا ادبی دیل ایله دانیشیق دیلینی باریشدیرماغا چالیشمیشدیر. بو سبب‌دن ایستر آذربایجان تورکجه‌سینی ادبی دیلده یازماغی ساوونانلار طرفیندن، ایستر دانیشیق دیلده یازیلماسینین یانینی توتانلار طرفیندن ده، شئعرلری سئویلیب و آلقیشلانمیشدیر.

سحر خانیمدان بورا قدر دؤرد شئعر توپلوسو ایشیق اوزو گؤرموش کی بونلاردان عیبارت‌دیرلر :

• ماویلر
• یاشیل ماهنی
• آیلی باخیش
• بیر دسته تزه گونش

ائله‌جه “حکایت در” آدلی بیر فارسجا شئعر توپلوسو و “قوسی تبریزی دیوانی”نین تصحیحی ده سحر خانیمدان یاییملانمیشدیر.