"سنین عشقینده"

گلمیشم کؤلگه سالان دالدالانام عشقینده
سوْنا بولبول کیمی بیر آرخالانام عشقینده

من غزللر دنیزیندن بیرایچیملیک باخیشام
شعر سئوداسینه دوشدوم جالانام عشقینده

آی باخیشلار باخیشیندان بیر ایچیملیک پای آلان
گلدیم ایلهامیم اوْلان، فایدالانام عشقینده

سنده بیر دامجیدا اوْلسامدا دنیز گؤرسه نرم
سئویرم سن اسه سن دالغانام عشقینده

گؤز گؤزه قالدی گؤزللر اوْل گؤزه للیک لریوه
من گره ک وورغونون اوْلسام، تالانام عشقینده

سن گئت اغیاریله بیر عؤمر یاشیللیق لاری گئز
آرخایین گل قاناد آچ من قالانام عشقینده

گؤزون اوْخشاتدی منی گولده یاشیل باش سوْنایا
کیپریگین اوْخدو چالیر پارچالانام عشقینده

شعیریمی غم بورودو دفتری یاندیردی قلم
گلدیم آی اوْدلو نفسلی دوْلانام عشقینده

شعیر:"هوشنگ جعفری"

آرتیغین اوخوماخ
شنبه 23 بهمن 1395
آچار سؤزلر : هوشنگ جعفری
بؤلوملر : تورکی شعرلر ,