شعری از استاد بارز در سایت ایشیق
بیر عزیز دوستوملا صؤحبت ائده‌رکن
یار گلدی قارشـیمدان آرالی گـئـتدی
کؤنلوم هارای چکیب منی سسله‌ین
دئدی مارالانـین مارالی گـئـتدی
من اونا باخمامیش او منه باخدی
باخـیشی جانـیمی یاندیردی یاخدی
کیپرییی نـئشتر تک باغریما تاخدی
قویدو شیکارینی یارالی، گـئـتدی
گوٍل اوزون گؤرجه‌یین چـیرپیندی اوٍرک
وفاسیز سئوگیدن دئدی گل ال چک
باشینا اؤرتموشدو بیر یاشیل اؤرپک
گؤزلری سورمه‌دن قارالی گـئـتدی
ایسلاندی دفتریم قان گؤز یاشیمدان
سورشسان حالـیمی سور سیرداشیمدان
ائله چاشدی هوشوم چـیخدی باشیمدان
بیلمه‌دیم کیم گلدی هارالی گـئـتدی
«بارز» بیر سؤز دئدین آغلاتدین ائلی
اوستونه اسمه‌سین آیریلـیق یـئـلی
اوٍرکدن داشلانان محبّت سئلی
ساراسیز گلمیشدی، سارالی گـئـتدی