قوی گئنه آیری قالاق، آیری قالاق عیب ائلمز

گئنه عشقین سازی‌نی آیری چالاق، آیری چالاق عیب ائلمز

حسرته دؤزمه‌دن آرتیق الیمیزدن نه گلیر؟

قوی بو حسرت‌لر الینده قوجالاق، عیب ائلمز

سئوینیر آللاهیمیزدا دئیه‌سن دردیمیزه

کاش اؤلوب بیر بئله غمدن قوتولاق، عیب ائلمز

سن‌ له من شاختالی بیر گونده اکیلمیش موماییق

مجبوروق بالتادا باخسا اوجالاق عیب ائلمز

تا یازیلسین آدیمیز اصلی-کرم دفترینه

قوی نقیل‌لر کیمی دیل‌لرده قالاق عیب ائلمز

دئییرم: بیز ده گؤرن اوز گئتیرک آغلاماغا؟

آغلایاق، بلکه بوغوزدان بوشالاق؛ عیب ائلمز؟!

بیلیرم لم یئسرن، غم‌لر الینده اسیرن

 چاره یوخ؛ آغلاما دای یوخسول اوشاق عیب ائلمز...

غزل

غزل عربجه مغازلت سؤزوندن گلیر . قادینلارلا عاشیقانه صحبت ائله مه ک آنلامیندادیر. غزل ده محبوبون شکل – شمایلی و اونون محبت احوالی ذکر اولار . لاپ آزی بئش بئیت و لاپ چوخو اون دؤرد بئیت اولان بیرینجی بئیتی نین هر ایکی مئصراعی قافیه لی اولان غزل فورماسین بیز عرب ادبیاتیندان آلمیشیق . تورکلر ، عجملردن داها قاباق غزل یازماغا باشلامیشلار . عربلرایسه جاهیلیه دؤوروندن غزل یازارمیشلار . عجملر ، تورکلرین ایلک غزل لرینه راه ترکی و شعر غزی دئییرمیشلر .

بیر غزل سید ابوالقاسم نباتی دن
ساقیا دور دولانیم باشینا ، گل دؤورانه
جام زرینی گؤتور ، بیرجه دولان مستانه
تار زولفون کیمی ، ظالیم ! منی بی جان ائله دین