سن زولفونو آچ،تؤک اوزونه،شانه سی مندن
زنجیری نشان وئر منه،دیوانه سی مندن
سن عاشیقی یاندیرماغا،من یانماغا مایل
سن شمعینی گؤستر منه،پروانه سی مندن
زولفون قدری عاشیق اولان وار سنه،ای گول
سن سؤیله او مجنون لاری،افسانه سی مندن
سرمست گؤزون فتنه،لبین نئشه لی باده
ایچدیر منه اول باده نی،پیمانه سی مندن
سن ناز ایله گول کی،صدفین قیمتی آرتسین
گؤز یاشی کیمی اینجیسی،دوردانه سی مندن
هر دن گؤتور اوزدن،گؤزلیم،افعییی-زولفون
چک ظاهره گنجینه نی،ویرانه سی مندن
واحید،مئیی ترک ائتمک اوچون پیری-مغانین
رنجیده اولوب بیر نئچه مستانه سی مندن
"علی آقا واحد"