آسلادیم ایسراقا گون قاب آرا عکسون ؛ دووارا
قیش ائویندن ائله بیل پنجره آچدیم باهارا
سن دوواردا دیری سن!! من ائو ایچینده اؤلویم!!
گل منیم عمرومی آل عکسیم اُؤتورسون دووارا
بو تَر احساسیمی گل گؤزله گیلن یازلی آنام
قورخورام قیش بَلیه غنچه گولون بیرده قارا
باغلادون پنجره نی غنچه تؤکن خاطیریمه
سؤلدوم آنجاق یئل اَلینده ؛ خزل اولدوم حاصارا
سنه خاطیر بو فنا دهری ایاقدان سالدیم
اؤ قدر یول یئریدیم یول سینه سی اؤلدی یارا
بیر ایشقلانگیلان ای آی بو قارانلیق گئجه ده
تنگه لرده یؤلی قؤیما قالا سَنسیز ؛ آوارا
تا بهشت ایچره مَلَک لر منه لای لای دیه لر
دئمیشم لای لایووی ضبط ائلیوبلر ناوارا
بیر قانادسیز بولودا اؤخشیارام ؛ آغلایالی
سؤورم قانلی گوزوم آخشام ائوینده قیزارا
گوزلریم سئللی گزر آی گؤزَلیم اِئل ؛ اؤبانی
قؤرخارام سئل سارامی مندن آلوب ؛ تِئز آپارا