آنادیر دردی سالار سینه سینه
سانکی ساپلیر ساپینی اینه سینه
باخماق اولماز الی نین پینه سینه
قوربان ائدمیش جانی نی اولادینا
اود ویرار اولاد اوچون هر زادینا
آنا پروانه دی یانماق ایشی دیر
غمه دوزمک ده عیارلی کیشی دیر
کیم دئیر بیله آنا...لار دیشی دیر
آنانین قدرینی بیلمیر بالالار
بالالارقدرینی آنلیر آنالار
آنالار قلب ائوینه غم قالییر
یاخچی نی پیس دن اولار تزآرییر
اللی یاشلی آنالار دای قارییر
اوف دئمزلر نیه دونیا بئله دی
آنانین تام حیاتی زلزله دی
آنادیر جانی نی اوغجوندا دوتان
آنادیر ددلری قلبینده اووتان
آنادیر گون تک اوفقلرده باتان
( کیان ) ین دا آناسیین یاد ائلین
فاتحه لیه اورگین شاد ائلین
2دیماه 95
حسن کیانور – کیان