"سو" دئییبدیر منه اولده،آنام آب کی، یوخ
"ســــو" دئیـیـبــدیـــــــر منــــه اولـــــده، آنام آب کـــی، یوخ
"یوخو" اویرتدی اوشاقلیقدا منه،خواب کی، یوخ
ایلــک دفعــــه کـی،"چورک" وئـــردی منــه نان دئمــــه دی
ازلیندن منـه "دوزدانـــــه"، نمکدان دئمــــه دی
آنــام ، اختـــر دئـمــه یبدیـــــر منـــه، "اولـــدوز " دئیــیب او
سو دوناندا،دئمه ییب یخدی بالا،"بوز" دئییب او
"قار" دئییب، برف دئمه ییب، دست دئمه ییب "ال" دئییب او
منه هئچواخت بیا سویله مه ییب، "گل" دئییب او
یاخشـــی خاطیـــرلاییــــــرام، یاز گونـــو آخشـام چاغـــیلار
باغچانیــن گون باتانینـــدا کی، ایلیـق گون یاییلار
"گل : دئیـــه ردی، داراییـــــــم باشیــوی ای نازلـــی بالام!"
"گلمه سن گر، باجیـوین آستاجا زولفون دارارام"
او دئـمـــــه زدی کــی، بیـــا شانـــــه زنــم بــر ســـر تـــــو
گـر نیایــــی بزنــــم شانـــه ســـر خواهـــر تـــــو
بلی، داش یاغســـــادا گؤیـــدن، ســن او سـان من ده بویــام
وار سنیـن باشقا آنـــان، واردی منیــم باشقا آنـــام
اؤزومــــه مخصوص اولان باشقــا ائلیــــم واردی منیـــــم
ائلیــمه مخصوص اولان باشقا دیـلیـم واردی منیم
ایسته سن قــارداش اولاق، بیـــر یاشایاق، بیـــرلیک ائدک
وئـریبن قول قولا، بونـدان سورا بیر یولدا گئــدک
اولاً، اؤزگــــــه کـــولکلــــــرلـه گــــــرک آخمـایـاســـــان
ثانیاً، وارلیــغیــما، خالقیــما خـــور باخمـایــــاسان
یوخسا گر زور دئیــــه سن میلتیمی خــــوار ائــــده سن
گون گلر،صفحه چؤنـر، مجبور اولارسان گئده سن
پروفسور دوکتور محمد تقی زهتابی (کیریشچی)26 آذر 1325